बाणेर : बाणेर येथे पुणे महानगरपालिकेच्या वतीने रूफ टॉप हॉटेल ,पत्राशेड व अनधिकृत बांधकाम यावर बांधकाम विकास विभाग झोन ३ यांचेमार्फत पोलीस स्टाफच्या मदतीने धडक कारवाई करण्यात आली.
सदर कारवाई मधे सुमारे 11925 चौ.फूट क्षेत्र निष्कासित करण्यात आले आहे.कारवाई ठिकाण – हॉटेल इमेज रेस्टोबार , आइस अँड फायर बाणेर हायवे लगत आणि हॉटेल हाईव्ह रांका ज्वेलर्सच्यावर.
सदरची कारवाई पुणे महानगरपालिकेचे बांधकाम विभागाचे अधिक्षक अभियंता – श्री.श्रीधर येवलेकर साहेब
बांधकाम विभाग झोन क्र.३ चे कार्यकारी अभियंता – श्री जयवंत पवार साहेब यांचे मार्गदर्शनाखालीउप अभियंता – श्री. प्रकाश पवार, कनिष्ठ अभियंता – अजित सणस, संदीप चाबुकस्वार, केतन जाधव वस्टाफ, सहा पोलिस यांच्या पथकाने एक जेसीबी, दोन गॅस कटर, एक ब्रेकर दहा अतिक्रमण कर्मचारी यांचे सहाय्याने कारवाई केली.
तसेच बाणेर मधील एकूण 9 रुफ टॉप हॉटेलवर गुन्हा दाखल करण्यात आला असून याव्यतिरिक्त दोन हॉटेल वर गुन्हा दाखल करणेसाठी तक्रार देण्यात आली आहे.
