पुणे : भारताच्या महिला माजी पंतप्रधान स्व. इंदिराजी गांधी यांच्या जयंती निमित्त आज पुणे शहर जिल्हा काँग्रेस कमिटीच्या वतीने काँग्रेस भवन येथे त्यांच्या प्रतिमेस व पुतळ्यास शहराध्यक्ष अरविंद शिंदे व महाराष्ट्र प्रदेश काँग्रेस कमिटीचे सरचिटणीस ॲड. अभय छाजेड यांच्या हस्ते पुष्पहार अर्पण करून अभिवादन करण्यात आले.
यावेळी महिला पदाधिकारी सीमा महाडिक यांनी स्व. इंदिरांजीबद्दल आपले विचार व्‍यक्त केले त्या म्हणाल्या की, ‘‘स्व. इंदिरा गांधी, भारतीय राजकारणाच्या इतिहासातील एक उल्लेखनीय महिला, आयर्न लेडी, भारताच्या पहिल्या महिला पंतप्रधान होत्या. त्या भारतीय राष्ट्रीय काँग्रेसच्या आयकॉन होत्या. इंदिरा गांधी या जास्त काळ सेवा करणाऱ्या पंतप्रधान होत्या. इंदिराजींच्या नेतृत्वाखाली मोठ्या आर्थिक, लष्करी आणि राजकीय बदलांसह भारताला दक्षिण आशियामध्ये लोकप्रियता मिळाली. इंदिरा गांधी यांची २००१ मध्ये इंडिया टुडे मासिकाने जगातील सर्वात महान पंतप्रधान म्हणून निवड केली होती. १९९९ मध्ये बीबीसीने त्यांना “वुमन ऑफ द मिलेनियम” म्हणून संबोधले. इंदिरा गांधींचा इतिहास कदाचित जगातील सर्वात लोकप्रिय भारतीय नेत्यांपैकी एक आहे.
देशाच्या संस्थापकांपैकी एक, पंडित जवाहरलाल नेहरू यांच्या कन्या असण्याव्यतिरिक्त त्या भारताच्या पहिल्या आणि एकमेव महिला पंतप्रधान होत्या. आंतरराष्ट्रीय स्तरावर, त्यांच्या मजबूत उपस्थितीमुळे भारताचे स्थान उदयोन्मुख जागतिक महासत्ता म्हणून विकसित करण्यास मदत झाली. १९७१ च्या भारत-पाकिस्तान युद्धात भारताला विजय मिळवून दिल्यानंतर, अटलबिहारी वाजपेयींनी तिला ‘देवी दुर्गा’ असे नाव दिल्याने अनेक राजकीय नेत्यांनी तिची ‘देवी’ म्हणून प्रशंसा केली.’’
यावेळी शहराध्यक्ष अरविंद शिंदे, प्रदेश सरचिटणीस ॲड. अभय छाजेड, शाम काळे, राज अंबिके, सुरेश नांगरे, संदिप मोकाटे, दिलीप लोळगे, अशोक लोणारे, रामदार केदारी, चैतन्य पुरंदरे, अनुसया गायकवाड, सुंदरा ओव्‍हाळ, संगीता क्षिरसागर, विमल खांडेकर, कल्पना शंभरकर, रोहित घोडके, मुन्ना खंडेलवाल आदी उपस्थित होते.
