पाषाण : ज्ञानेश कुमार यांच्या राजीनाम्याच्या मागणीसाठी पुण्यातील पाषाण येथे सुरू असलेले बेमुदत आंदोलन सलग आठव्या दिवशीही सुरू आहे. सामाजिक कार्यकर्ते समीर उत्तरकर आणि ॲड. कीर्ती काळे यांच्या वतीने बाणेर-पाषाण लिंक रोड, पाषाण येथे हे आंदोलन करण्यात येत आहे.
ज्ञानेश कुमार यांनी राजीनामा द्यावा, या मागणीसाठी आंदोलकांनी आंदोलन सुरू केले असून, राजीनामा दिल्याशिवाय आंदोलन मागे घेणार नसल्याची भूमिका आंदोलकांनी घेतली आहे. मागणी पूर्ण होईपर्यंत आंदोलन सुरू ठेवण्याचा निर्धार आंदोलकांनी व्यक्त केला आहे.
या आंदोलनाला पाषाण आणि बाणेर परिसरातील नागरिक सहभागी होऊन पाठिंबा दर्शवत आहेत. त्यामुळे परिसरात या आंदोलनाची चर्चा सुरू असून, आंदोलक आपल्या मागणीवर ठाम आहेत.
सलग आठ दिवसांपासून सुरू असलेल्या या आंदोलनातून आंदोलकांनी आपली मागणी लावून धरली आहे. आता या आंदोलनाच्या मागणीबाबत संबंधित स्तरावर काय भूमिका घेतली जाते, याकडे नागरिकांचे लक्ष लागले आहे.
