पिंपरी : पिंपरी चिंचवड पोलीस आयुक्त कार्यालयाच्या अधीन असणाऱ्या मोटर परिवाहान विभाग इथे पोलीस आयुक्त विनय कुमार चोबे यांच्या अध्यक्षतेखाली (वर्ष 3 रे ) वाहक चालक दिन कार्यक्रम मोठ्या थाटामाटात संपन्न झाला.
कार्यक्रमांमध्ये सर्व चालक पोलिस अंमलदार यांना डॉक्टर संजय शिंदे पोलीस सहआयुक्त व काकासाहेब डोळे पोलीस उपआयुक्त, भास्कर ढेरे सहाय्यक पोलीस आयुक्त (प्रशासन) यांनी पुष्पगुच्छ व प्रशस्तीपत्रक देऊन चालक पोलीस अंमलदार यांचा गौरव करण्यात आला.
तसेच पोलीस चालक अंमलदार यांनी शासकीय गाडी चालवत असताना अपघात टाळण्यासाठी कोण कोणती काळजी घेतली पाहिजे याबाबत उत्कृष्ट व मोलाची माहिती दिली. तसेच कार्यक्रमाची शोभा वाढवण्यासाठी देशभक्तीपर गीतांचा कार्यक्रम , मोफत नेत्र तपासणी शिबीर यांचे आयोजन करण्यात आले होते. कार्यक्रमासाठी पोलीस कर्मचारी आपल्या कुटुंबासह हजर होते. संपूर्ण कार्यक्रमाचे नियोजन पोलीस निरीक्षक मंगेश पाटील मोटर परिवहन विभाग यांनी केले होते.
