बाणेर : बाणेर, बालेवाडी पाषाण परिसरात महाविकास आघाडीचे उमेदवार चंद्रकांत मोकाटे यांच्या प्रचारासाठी दुचाकीस्वारांची भव्य रॅली काढण्यात आली. या रॅलीत खासदार सुप्रिया सुळे बाणेर येथे सहभागी झाल्या. बाणेर, विधाते वस्तीपासून त्या डी पी रस्त्यावरील आंबेडकर वसाहतीमधील डॉ बाबासाहेब आंबेडकर पुतळ्यापर्यंत रॅलीत सहभागी झाल्या. डॉ आंबेडकर यांच्या पुतळ्यासं पुष्पहार अर्पण करून रॅलीची सांगता करण्यात आली.
या रॅलीत त्यांच्यासमवेत महाविकास आघाडीचे उमेदवार चंद्रकांत मोकाटे, पुणे शहर राष्ट्रवादी काँग्रेसचे प्रभारी अध्यक्ष अंकुश काकडे, माजी नगरसेवक चंद्रकांत उर्फ चंदू कदम, गजानन थरकुडे, तानाजी निम्हण, संजय निम्हण, संतोष तोंडे, महेश सुतार, अशोक दळवी, अजय निम्हण, गणपत मुरकुटे, ज्योती चांदेरे,दिलीप मुरकुटे, जयेश मुरकुटे, सुनिता रानवडे, अभिजीत मोरे आदी या रॅलीत सहभागी झाले.
पाषाण येथील सोमेश्वर मंदिरात महादेवाचे दर्शन घेऊन चंद्रकांत मोकाटे यांच्या रॅलीसं सुरुवात झाली. सोमेश्वरवाडी, पाषाण गावठाण, बाणेर पाषाण लिंक रोड, सुतारवाडी, बाणेर बालेवाडी विधाते वस्ती बालेवाडी गावठाण मार्गे आंबेडकर वसाहत या मार्गाने दुचाकीस्वारांची रॅली काढण्यात आली. या रॅलीमध्ये औंध बाणेर बालेवाडी सुतारवाडी परिसराती आदी परिसरातील महाविकास आघाडीचे कार्यकर्ते सहभागी झाले होते.
