टिंबर मार्केट येथील आगीच्या घटनास्थळाची पालकमंत्र्यांकडून पाहणी

पुणे : पालकमंत्री चंद्रकांतदादा पाटील यांनी काल शहरातील भवानी पेठ परिसरातील टिंबर मार्केटला लागलेल्या आगीच्या पार्श्वभूमीवर नुकसानग्रस्त दुकाने व घरांना प्रत्यक्ष भेट देऊन पाहणी करून दुर्घटनेची माहिती घेतली.

यावेळी जिल्हाधिकारी डॉ. राजेश देशमुख, उपविभागीय अधिकारी स्नेहा देवकाते-किसवे, तहसीलदार राधिका हावळ-बारटक्के, पुणे मनपाचे मुख्य अग्निशमन अधिकारी देवेंद्र पोटफोटे, पुणे टिंबर मर्चन्ट ॲड सॉ. मिल ओनर्स असोसिएशनचे अध्यक्ष रतन किराड, माजी स्थायी समिती अध्यक्ष हेमंत रासने, माजी नगरसेविका मनीषा लडकत यांच्यासह स्थानिक नागरिक उपस्थित होते.

श्री. पाटील यांनी आगीच्या दूर्घटनेबाबत नागरिकांशी संवाद साधून माहिती घेतली. या घटनेत टिंबर मार्केटमधील काही दुकानांसोबतच काही घरांचेही नुकसान झाले आहे. त्यामुळे नुकसनग्रस्त झालेली तीन घरे लोकसहभागातून उभी करुन देण्याचा प्रयत्न करण्यात येईल. सदर भागातील आगीची ही तिसरी घटना असून स्थानिक व्यापाऱ्यांशी चर्चा करुन दुकाने दुसरीकडे स्थालंतरित करण्याबाबत विचार करण्यात येईल. त्यासोबतच घटनेसंदर्भात लवकरच पुणे मनपा आयुक्तासोबत बैठक आयोजित करण्यात येईल, असे पालकमंत्री यावेळी म्हणाले.

See also  दिवाळी सणाच्या पार्श्वभूमीवर अधिकचे भाडे आकारणी करणाऱ्या खासगी वाहतुकदारांविरुद्ध तक्रारी करण्याचे आवाहन