पुण्यातील कात्रजमध्ये गोवा बनावटी मद्याची वाहतुक करतांना लग्झरी बससह विदेशी मद्यसाठा जप्त.

पुणे : पुण्यातील कात्रजमध्ये गोवा बनावटी मद्याची वाहतुक करतांना लग्झरी बससह विदेशी मद्यसाठा जप्त करण्यात आला.
पुणे विभागाचे मा. विभागीय उपआयुक्त- श्री. मोहन वर्दे सो, मा. अधीक्षक-श्री. चरणसिंग राजपूत सो, उपअधीक्षक श्री. वाय. एस. शिंदे सो., श्री. एस. बी. जगदाळे सो. व एस.आर. पाटील यांच्या मार्गदर्शनाखाली दि. 06/10/2023 रोजी निरीक्षक, राज्य उत्पादन शुल्क, भरारी पथक क्र. 1 पुणे यांना मिळालेल्या खात्रीशीर गोपनीय माहितीनुसार कात्रज परिसरात गस्त घालत असतांना कात्रज गावच्या हद्दीत, जुन्या पुणे-सातारा रोडवरील, भारत पेट्रोल पंपाच्या समोर, कात्रज, पुणे इंटरसिटी स्मार्ट लग्झारी सहाचाकी बस क्र. MH-48-C.B.- 1111 या वाहनाच्या तपासणी दरम्यान सदर वाहनाच्या डिक्कीमध्ये महाराष्ट्र राज्यात प्रतिबंधीत असलेला व फक्त गोवा राज्यात विक्रीस असलेला 750 मिली क्षमतेच्या बॅगपायपर क्लासिक व्हिस्कीच्या 180 सिलबंद बाटल्या (15 बॉक्स) मिळून आले.

सदर वाहन व गोवा बनावटीच्या विदेशी मद्यासह रु. 42,90,000/- चा मुद्देमाल जप्त करण्यात आला असुन आरोपीनामे गणेश बाळकृष्ण चव्हाण, वय- 50 वर्षे, रा. मु.पो. कडावळ, सुर्वेवाडी, ता. कुडाळ, जि. सिंधुदुर्ग तसेच त्याच्या सोबत असलेले अक्षय अनंत जाधव, वय-32 वर्षे, रा. जी/304, इंद्रप्रस्थ सीएचएस लि., एस.टी. डेपो रोड, नाळे, नालासोपारा (पश्चिम) जि. पालघर व उमेश सिताराम चव्हाण, वय-37 वर्षे, रा. कासारवाडी, आवळेगाव, ता. कुडाळ, जि. सिंधुदुर्ग या तीन आरोपींना अटक करण्यात आली आहे. त्यांच्या विरुध्द मुबंई दारूबंदी कायदा 1949 चे कलम 65 (A) (E), 81,83,90 व 108 अन्वये गुन्हा रजिस्टर क्रमांक 330/2023 दिनांक 06/10/2023 गुन्हा नोंद केला आहे.
सदरची कारवाई निरीक्षक, राज्य उत्पादन शुल्क, भरारी पथक क्र. 1 पथकचे निरीक्षक-एस.एल. पाटील, आर.पी. शेवाळे, विठ्ठल बोबडे, निरीक्षक, राज्य उत्पादन शुक, बी.एस. घुगे, प्रवीण देशमुख, दुय्यम निरीक्षक तसेच राजेश एम. पाटील सह.दु.नि. व जवान सर्वश्री जयराम काचरा, शरद हंडगर, मुकुंद पोटे यांनी सदरची कारवाई केली आहे. सदर गुन्ह्याचा पुढील तपास बी.एस. घुगे, दुय्यम निरीक्षक हे करीत आहेत.