बाणेर : बाणेर येथील 33 वेस्टॲव्हेन्सु सोसायटीतील सदस्यांसमवेत माजी नगरसेवक अमोल बालवडकर यांनी प्रत्यक्ष भेटुन संवाद साधला. यावेळी सोसायटीतील सदस्यांनी त्यांना भेडसावत असणार्या रस्त्यावरील खड्डे, एम.एन.जी.एल.गॅस पाईप लाईन कनेक्शन, ड्रेनेज लाईन, रस्त्याचे झाडणकाम, खेळाचे मैदान, रस्त्यावर साचणारा कचरा, डासांचा वाढता प्रादुर्भाव यासारख्या समस्या निदर्शनास आणुन दिल्या. यावर तातडीने उपाययोजना करुन लवकरात लवकर प्रश्न मार्गी लावण्याचे आश्वासन अमोल बालवडकर यांनी सर्व सभासदांना व सदस्यांना दिले.
यावेळी परिसरातील नदी सुधार प्रकल्प, रस्ते विकास, पाणी पुरवठा, उद्याने, मेट्रो, प्रभागातील मुलभुत सोयी-सुविधांबाबत तसेच माझ्या दोन्ही जनसंपर्क कार्यालयाच्या माध्यमातुन परिसरातील नागरिकांसाठी दैनंदिन देण्यात येणाऱ्या विविध सुविधांबाबत (आधारकार्ड, पॅनकार्ड, मतदान कार्ड, इतर शासकीय व निमशासकीय सुविधा) माहिती दिलीव अशा इतर विविध विषयांवर सविस्तर चर्चा करण्यात आली. तसेच मागील ५ वर्षांच्या कार्यकाळामध्ये या भागाचा लोकप्रतिनिधी या नात्याने भारतीय जनता पक्षाच्या माध्यमातुन केलेल्या विविध विकासकामांची तसेच प्रभागातील सर्वच घटकांमधील नागरीकांसाठी राबवण्यात येत असलेल्या योजनांची माहिती उपस्थित नागरीकांना बालवडकर यांनी दिली. तसेच भविष्यात बाणेर-बालेवाडी-सुस-म्हाळुंगे-पाषाण भागामध्ये भारतीय जनता पार्टी तसेच राज्य सरकार-केंद्र सरकार प्रशासनाच्या माध्यमातुन करण्यात येणार्या विविध लोकउपयोगी प्रकल्पांबाबत सविस्तर चर्चा करुन माहिती दिली.
यावेळी “अमोल बालवडकर QRT TEAM”च्या माध्यमातुन परिसरात नागरीकांना येणार्या दैनंदिन समस्या तातडीने सोडविण्यात येत असल्याचे सांगत सर्व नागरीकांनी या उपक्रमाचे कौतुक केले. यावेळी सोसायटीतील पदाधिकारी, सदस्य, नागरिक उपस्थित होते.
