सोमेश्वरवाडी : महानगरपालिकेची निवडणूक अपक्ष म्हणून लढवण्याच्या निर्धाराने सचिन दळवी यांची पार पडलेली बैठक ही केवळ औपचारिक सभा न राहता, वर्षानुवर्षे दुर्लक्षित राहिलेल्या सामान्य नागरिकांच्या भावना आणि असंतोषाचा ज्वालामुखी ठरली. पक्षांची नावे, चिन्हे आणि राजकीय सौदेबाजीला स्पष्ट नकार देत नागरिकांनी एकमुखाने सांगितले—आता सत्तेचा प्रतिनिधी नको, तर सेवेचा प्रतिनिधी हवा.
या बैठकीत कोणत्याही मोठ्या राजकीय पाठबळाशिवाय, केवळ लोकांच्या विश्वासावर उभा राहणारा अपक्ष लढाच खरा बदल घडवू शकतो, असा ठाम विश्वास व्यक्त करण्यात आला. दुर्लक्ष आणि जुन्या राजकारणाला आता पूर्णविराम देण्याचा इशारा नागरिकांनी दिला.
ही लढाई खुर्चीसाठी नसून परिसराच्या हक्कांसाठी, सर्वांगीण विकासासाठी आणि स्वाभिमानासाठी असल्याचे स्पष्ट करण्यात आले. लोकांची ताकद एकत्र आली की कोणतीही सत्ता हादरते, आणि आजची ही बैठक त्या नव्या परिवर्तनाची ठोस व निर्णायक सुरुवात असल्याचे चित्र यावेळी दिसून आले.
