पुणे : ज्येष्ठ शास्त्रज्ञ डॉ.विजय भटकर यांना संगणक क्षेत्रातील अतुलनीय योगदानाबद्दल २०२४ चा पुण्यभूषण पुरस्कार. डॉ रघुनाथ माशेलकर यांच्या अध्यक्षतेखाली निवड समितीने देण्याचे निश्चित केले आहे.त्याचवेळी सीमेवर लढताना जखमी झालेल्या जवानांना आणि वीरमातेलाही गौरविण्यात येणार असल्याचे संस्थेचे संस्थापक अध्यक्ष डॉ सतीश देसाई यांनी कळविले आहे.
पुरस्काराचे यंदा ३६ वे वर्ष आहे.सलग ३५ वर्षे संस्थेने, संपूर्ण महाराष्ट्रात नव्हे तर देशात आणि देशाबाहेर ह्या प्रतिष्ठेच्या समजल्या जाणाऱ्या पुरस्काराचा भव्य उपक्रम राबविला.अवघे मोगल साम्राज्य हादरवून टाकणाऱ्या बालशिवाजी ची, सोन्याच्या फाळाने पुण्याची भूमी नांगरत असलेली प्रतिकृती, या नगरीच्या ग्रामदैवतासह वैशिष्ट्यपूर्ण अशा या पुण्यभूषण पुरस्काराच्या स्मृती चिन्हात आहे.रु.२००,००० , (रुपये दोन लक्ष) रकमेची थैलीही सन्मानित पुणेकरास दिली जाते.महामहीम राष्ट्रपती श्री प्रणब मुखर्जी, डॉ. एक.पी.जे अब्दुल कलाम, उपराष्ट्रपती या. श्री .हमीद अन्सारी ,या.श्री . व्यंकय्या नायडू, माजी पंतप्रधान अटलबिहारी वाजपेयी, सभापती श्री . सोमनाथ चटर्जी, श्री मनोहर जोशी,मा.ना. शरद पवार, स्वरसम्राज्ञी लता मंगेशकर, क्रिकेटपटू कपिलदेव,व सचिन तेंडुलकर, पांडुरंगशास्त्री आठवले, विलासराव देशमुख, ज्येष्ठ अभिनेते दिलीपकुमार, वसंतराव साठे, नानासाहेब गोरे, तत्कालीन राज्यपाल सी. सुब्रमण्यम,मधु दंडवते,,दि हिंदूंचे संपादक एन. राम, न्यायमूर्ती चंद्रशेखर धर्माधिकारी, श्री सुशीलकुमार शिंदे,,या.श्री सीताराम येचूरी,, श्री. गिरीश कर्नाड,, ज्येष्ठ साहित्यिक डॉ एस.एल भैरप्पा, , श्री महेश एलकुंचवार, या.श्री पृथ्वीराज चव्हाण, , डॉ.विकास आमटे,,आशा भोसले, श्री.नारायणमूर्ती, , श्री शरद यादव, , मा श्री नितीन गडकरी,पं. हरीप्रसाद चौरसिया,,पं. अमजद अली खान,व पं. शिवकुमार शर्मा,,मा श्री प्रफुल्ल पटेल,, ज्येष्ठ अभिनेत्री शर्मिला टागोर,व ज्येष्ठ अभिनेते अनुपम खेर आदी मान्यवरांनी पुण्यभूषण पुरस्कार प्रदान करून नामांकित पुणेकरांचा यथोचित सन्मान केला आहे.
याबरोबरच १) रायफल मॅन मिन बहादूर थापा (वय वर्षे ४४) , २) शिपाई दिपक बर्मन (वय वर्षे ३८) , ३) लान्स नाईक अभिजित पाटील (वय वर्षे ३३ ) , ४) शिपाई तपस कुमार रॉय ( वय वर्षे ४२ ) या चार कर्तव्य बजावित असताना जखमी झालेल्या जवानांचा आणि वीरपुत्र कुणाल राजेंद्र बारपट्टेची वीरमाता सौ. विद्या बारपट्टे यांचा मान्यवरांच्या शुभहस्ते यथोचित गौरव करण्यात येणार आहे.पुण्यभूषण पुरस्कार प्रदान समारंभ जुलै महिन्याच्या शेवटच्या आठवड्यात किंवा ऑगस्टच्या पहिल्या आठवड्यात होणार दिमाखदार सोहळ्यात प्रदान करण्यात येईल.
